Server 2008 və R2 üzərində Wireless xidmətinin aktivləşdirilməsi

Bildiyimiz kimi Microsoft Server sistemləri üzərindəki bir çox xidmət növlərinin akitvləşdirlməsi sistem administratorlarının öhdəsinə buraxılır. Bunun əsas səbəblərindən biri kimi müəyyən xidmət növlərinin şirkətlərin ehtiyaclarına görə seçilməsidir. Bununla birlikdə Microsoft Server sistemləri üzərində istifadə olunmayan servislər passiv halda olduğu üçün sistem qaynaqlarının  boş yerə  istifadə olunmasının qarşısı alınmış olur. Server 2008 və R2 ilə birlikdə bir çox xidmətlər kimi Simsiz şəbəkə xidmətidə (Wireless LAN Service) passiv haldadır. Əgər istifadə etdiyiniz Server üzərində Simsiz şəbəkə xidmətindən yararlanmaq istəyirsinizsə Server 2008 və ya R2 üzərində bu xidməti aktivləşdirmənizə ehtiyac vardır.

Xidməti aktivləşdirmək üçün

1. Administrative Tools – Server Manager

2.  Features – Add Feautres  

3. Wireless LAN Service bölməsini seçərək Next-lə davam edirik.

 4. İnstall

5. Close

Bu kiçik və sadə əməliyyatları tamamladıqdan sonra Server üzərindəki simsiz şəbəkə kartı akitivləşərək xidmətə hazır vəziyyətə gələcəkdir. Əlavə olaraq bu əməlyyatı CMD və Power Shell üzərindən həyata keçirmək istəsəniz aşağıdakı addımları izləməniz yetərli olacaq.

1. CMD üzərindən aktivləşdirmək üçün. 

C:\> servermanagercmd -install Wireless-Networking

2. Power shell üzərindən aktivləşdirmək üçün.

PS C:\> Import-Module Servermanager

PS C:\> Add-WindowsFeature Wireless-Networking

 İnanıram ki, hər kəs üçün yararlı bir məqalə olmuşdur. Başaqa bir məqalədə görüşmək diləyilə.

Elguc Yusifbəyli

_____________

MCT

Müəllif hüquqlarına hörmətlə yanaşaq

 

Baxılıb :2509